Scripture Library

Paippalāda-Saṃhitā · Chapter 4.27

4.27.1

divas pṛṣṭhe madhupṛcaḥ suparṇāḥ
pañcāśat te bhuvanasya gopāḥ |
ānujāvaram anu rakṣanta ugrā
yeṣām indraṃ vīryāyairayanta ||

4.27.2

purohitaḥ parameṣṭhī svarājyāya -
-abhīvardham asmā akṛṇod bṛhaspatiḥ |
tena sapatnān adharān kṛṇuṣva
kṣeme paśūn bahulān vardhayitvā
jaitrāyod yātu rathavāhanaṃ te ||

4.27.3

gobhājam aṃśaṃ tava ye samānāḥ
sarve samagrā dadhṛg ābharanta |
abhi vardhasva bhrātṛvyān
abhi ye tvā pṛtanyataḥ ||

4.27.4

ni piṇḍhi sarvān dhūrvato
'bhīvardho yathāsasi |
abhīvardham abhībhavam
abhīṣeṇaṃ mahāgaṇam |
viśas tvā sarvā ā yantv
āpo divyāḥ payasvatīḥ ||

4.27.5

abhi vardhasva prajayā vāvṛdhāno
abhy anīkaiḥ paśubhir bhavāsi |
brahmarājanyair viśyair vāvṛdhānaḥ
śūdrair atīhi sabhayā pṛtanyataḥ ||

4.27.6

vardhasva kṣetraiḥ prathasva prajayā
vardhasva vīraiḥ paśubhir bahur bhava |
śriyā śulkair yatamas tvā pṛtanyād
āptas tubhyaṃ sa balihṛtyāya tiṣṭhatu ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0