પૈપ્પલાદ-સંહિતા · અધ્યાય 4.27

દિવસ્ પૃષ્ઠે મધુપૃચઃ સુપર્ણાઃ
પઞ્ચાશત્ તે ભુવનસ્ય ગોપાઃ ।
આનુજાવરમ્ અનુ રક્ષન્ત ઉગ્રા
યેષામ્ ઇન્દ્રં વીર્યાયૈરયન્ત ॥

પુરોહિતઃ પરમેષ્ઠી સ્વરાજ્યાય -
-અભીવર્ધમ્ અસ્મા અકૃણોદ્ બૃહસ્પતિઃ ।
તેન સપત્નાન્ અધરાન્ કૃણુષ્વ
ક્ષેમે પશૂન્ બહુલાન્ વર્ધયિત્વા
જૈત્રાયોદ્ યાતુ રથવાહનં તે ॥

ગોભાજમ્ અંશં તવ યે સમાનાઃ
સર્વે સમગ્રા દધૃગ્ આભરન્ત ।
અભિ વર્ધસ્વ ભ્રાતૃવ્યાન્
અભિ યે ત્વા પૃતન્યતઃ ॥

નિ પિણ્ઢિ સર્વાન્ ધૂર્વતો
ઽભીવર્ધો યથાસસિ ।
અભીવર્ધમ્ અભીભવમ્
અભીષેણં મહાગણમ્ ।
વિશસ્ ત્વા સર્વા આ યન્ત્વ્
આપો દિવ્યાઃ પયસ્વતીઃ ॥

અભિ વર્ધસ્વ પ્રજયા વાવૃધાનો
અભ્ય્ અનીકૈઃ પશુભિર્ ભવાસિ ।
બ્રહ્મરાજન્યૈર્ વિશ્યૈર્ વાવૃધાનઃ
શૂદ્રૈર્ અતીહિ સભયા પૃતન્યતઃ ॥

વર્ધસ્વ ક્ષેત્રૈઃ પ્રથસ્વ પ્રજયા
વર્ધસ્વ વીરૈઃ પશુભિર્ બહુર્ ભવ ।
શ્રિયા શુલ્કૈર્ યતમસ્ ત્વા પૃતન્યાદ્
આપ્તસ્ તુભ્યં સ બલિહૃત્યાય તિષ્ઠતુ ॥