Scripture Library

Paippalāda-Saṃhitā · Chapter 4.26

4.26.1

kanyā vār avāyatī
somam api srutāvidat |
astaṃ bharanty abravīd
indrāya sunomi tvā
śakrāya sunomi tvā ||

4.26.2

asau ya eṣi vīrako
gṛhaṃgṛhaṃ vicākaśat |
imaṃ jambhasutaṃ piba
dhānāvantaṃ karambhiṇam
apūpavantam ukthinam ||

4.26.3

kuvic chakat kuvit karat
kuvin no vasyasas karat |
kuvit patidviṣo yatīr
indreṇa saṃ gamāmahai ||

4.26.4

ā cana tvā cikitsāmo
'dhi cana tvā nemasi |
śanair iva śanakair iva-
-indrāyendo pari srava ||

4.26.5

imāni trīṇi viṣṭapā
tānīndra vi rohaya |
śiras tatasyorvarām
ād idaṃ ma upodare ||

4.26.6

asau ca yā na urvarā-
-ād imāṃ tanvaṃ mama |
atho tatasya yac chiraḥ
sarvā tā romaśā kṛdhi ||

4.26.7

khe rathasya khe 'nasaḥ
khe yugasya śatakrato |
apālām indra triṣ pūtvy
akṛṇoḥ sūryatvacam ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0