Scripture Library

Paippalāda-Saṃhitā · Chapter 4.25

4.25.1

vātāj jāto antarikṣād
vidyuto jyotiṣas pari |
sa no hiraṇyajāḥ śaṅkhaḥ
kṛśanaḥ pātv aṃhasaḥ ||

4.25.2

hiraṇyānām eko 'si
somād adhi jajñiṣe |
rathe 'si dārśata
iṣudhau rocanas tvam ||

4.25.3

yo agrato rocanāvān
samudrād adhi jajñiṣe |
śaṅkhena hatvā rakṣāṃsy
atriṇo vi ṣahāmahe ||

4.25.4

ye atriṇo yātudhānā
rakṣaso ye kimīdinaḥ |
sarvāñ chaṅkha tvayā vayaṃ
viṣūco vi ṣahāmahe ||

4.25.5

śaṅkhenāmīvām amatiṃ
śaṅkhenota sadānvāḥ |
śaṅkho no viśvabheṣajaḥ
kṛśanaḥ pātv aṃhasaḥ ||

4.25.6

divi jātaḥ samudrataḥ
sindhutas pary ābhṛtaḥ |
sa no hiraṇyajāḥ śaṅkha
āyuṣprataraṇo maṇiḥ ||

4.25.7

devānām asthi kṛśanaṃ babhūva
tad ātmanvac caraty apsv antaḥ |
taṃ te badhnāmy āyuṣe varcasa
ojase ca balāya ca
kārśanas tvābhi rakṣatu ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0