પૈપ્પલાદ-સંહિતા · અધ્યાય 4.25

વાતાજ્ જાતો અન્તરિક્ષાદ્
વિદ્યુતો જ્યોતિષસ્ પરિ ।
સ નો હિરણ્યજાઃ શઙ્ખઃ
કૃશનઃ પાત્વ્ અંહસઃ ॥

હિરણ્યાનામ્ એકો ઽસિ
સોમાદ્ અધિ જજ્ઞિષે ।
રથે ઽસિ દાર્શત
ઇષુધૌ રોચનસ્ ત્વમ્ ॥

યો અગ્રતો રોચનાવાન્
સમુદ્રાદ્ અધિ જજ્ઞિષે ।
શઙ્ખેન હત્વા રક્ષાંસ્ય્
અત્રિણો વિ ષહામહે ॥

યે અત્રિણો યાતુધાના
રક્ષસો યે કિમીદિનઃ ।
સર્વાઞ્ છઙ્ખ ત્વયા વયં
વિષૂચો વિ ષહામહે ॥

શઙ્ખેનામીવામ્ અમતિં
શઙ્ખેનોત સદાન્વાઃ ।
શઙ્ખો નો વિશ્વભેષજઃ
કૃશનઃ પાત્વ્ અંહસઃ ॥

દિવિ જાતઃ સમુદ્રતઃ
સિન્ધુતસ્ પર્ય્ આભૃતઃ ।
સ નો હિરણ્યજાઃ શઙ્ખ
આયુષ્પ્રતરણો મણિઃ ॥

દેવાનામ્ અસ્થિ કૃશનં બભૂવ
તદ્ આત્મન્વચ્ ચરત્ય્ અપ્સ્વ્ અન્તઃ ।
તં તે બધ્નામ્ય્ આયુષે વર્ચસ
ઓજસે ચ બલાય ચ
કાર્શનસ્ ત્વાભિ રક્ષતુ ॥