Scripture Library

Paippalāda-Saṃhitā · Chapter 4.22

4.22.1

ahaṃ vā indramātaram
indraujām indrabhrātaram |
indrādhivaktrāṃ vīrudham
āhārṣaṃ viṣadūṣaṇīm ||

4.22.2

yat kiṃ ca padvac chaphavad
yat kāṇḍi yac ca puṣpavat |
yad ejati prajāpatiḥ
sarvaṃ tad viṣadūṣaṇam ||

4.22.3

sindhuḥ paścād dharuṇaḥ
sūryasyodayanaṃ puraḥ |
tato yad antarā viṣaṃ
tad vācā dūṣayāmasi ||

4.22.4

yāvat sūryo vitapati
yāvac cābhi vipaśyati |
tāvad viṣasya dūṣaṇaṃ
vaco nir mantrayāmahe ||

4.22.5

jihvā me madhusaṃsrāvā
jihvā me madhuvādinī |
jihve varcasvatī bhava
māyaṃ me puruṣo riṣat ||

4.22.6

hā hai kalyāṇi subhage
pṛśniparṇy anāture |
imaṃ me adya pūruṣaṃ
dīrghāyutvāyon naya ||

4.22.7

yābhyo varṣanti vṛṣṭayo
yābhir jīvanty aghnyāḥ |
tā me viṣasya dūṣaṇīḥ
savitā vy akāśayat ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0