Scripture Library

Paippalāda-Saṃhitā · Chapter 4.21

4.21.1

khananti tvā taimātāṃ
dāsā arasabāhavaḥ |
dāsy asi prakrīr asy
utkhātam arasaṃ viṣam ||

4.21.2

adanti tvā kakkaṭāsaḥ
kuruṅgā adhi sānuṣu |
pāpī jagdhaprasūr asy
abhrikhāte na rūrupaḥ ||

4.21.3

ava jyām iva dhanvanaḥ
śuṣmaṃ tirāmi te viṣa |
pra ropīr asya pātaya
sūryaḥ pūrvā ivoṣasaḥ ||

4.21.4

sindhuḥ paścāt parihitaḥ
sūryasyodayanaṃ puraḥ |
tato yad antarā vanaṃ
tat sarvaṃ viṣadūṣaṇam ||

4.21.5

madhu tvā madhukṛt kṛṇotu
pituṃ tvā pitukṛt kṛṇotu |
uto niṣadya pātave
atho ūrdhvāya tiṣṭhate ||

4.21.6

jaghāsa tvā lomakarṇas
tan ny āsa paruṣṇiyām |
tad bhaimīś cakrire srajaḥ
sarvaṃ mahiṣado viṣam ||

4.21.7

urvyā urukṣitas
turāyā āturasya ca |
bhūmyā hi jagrabha nāma
viṣaṃ vārayatām iti |
viṣaṃ dūṣayatād iti ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0