Scripture Library

Paippalāda-Saṃhitā · Chapter 4.20

4.20.1

madhumatī patye asmi
jārāya madhumattarā |
atho madhavyaṃ me bhaṃso
madhu nipadane aham ||

4.20.2

madhunā mā saṃ sṛjāmi
māsareṇa surām iva |
vāṅ ma iyaṃ madhunā saṃsṛṣṭā-
- akṣyau me madhusaṃdṛśī ||

4.20.3

madhu dyaur madhu pṛthivī
madhv indro madhu sūryaḥ |
striyo yā jajñire madhu
tābhyo 'haṃ madhumattarā ||

4.20.4

madhumatīr oṣadhaya
āpo madhumatīr uta |
gāvo yā jajñire madhu
tābhyo 'haṃ madhumattarā ||

4.20.5

madhor jāto madhugho
vīrudhāṃ balavattamaḥ |
tenāhaṃ sarvasmai puṃse
kṛṇve nikaraṇaṃ hṛdi ||

4.20.6

yathāśvo bandhaneṣṭho
vaḍavām abhidhāvati |
evā tvam ugra oṣadhe
'muṃ kanikradatam ā naya ||

4.20.7

aṅgo nu mod iva śvaso
aṅgo nu mod iva stanaḥ |
anyā vivitsamāno
anyāḥ parājighāṃsan |
mām anu pra te manaś
chāyā yantam ivānv ayat ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0