પૈપ્પલાદ-સંહિતા · અધ્યાય 4.20

મધુમતી પત્યે અસ્મિ
જારાય મધુમત્તરા ।
અથો મધવ્યં મે ભંસો
મધુ નિપદને અહમ્ ॥

મધુના મા સં સૃજામિ
માસરેણ સુરામ્ ઇવ ।
વાઙ્ મ ઇયં મધુના સંસૃષ્ટા-
- અક્ષ્યૌ મે મધુસંદૃશી ॥

મધુ દ્યૌર્ મધુ પૃથિવી
મધ્વ્ ઇન્દ્રો મધુ સૂર્યઃ ।
સ્ત્રિયો યા જજ્ઞિરે મધુ
તાભ્યો ઽહં મધુમત્તરા ॥

મધુમતીર્ ઓષધય
આપો મધુમતીર્ ઉત ।
ગાવો યા જજ્ઞિરે મધુ
તાભ્યો ઽહં મધુમત્તરા ॥

મધોર્ જાતો મધુઘો
વીરુધાં બલવત્તમઃ ।
તેનાહં સર્વસ્મૈ પુંસે
કૃણ્વે નિકરણં હૃદિ ॥

યથાશ્વો બન્ધનેષ્ઠો
વડવામ્ અભિધાવતિ ।
એવા ત્વમ્ ઉગ્ર ઓષધે
ઽમું કનિક્રદતમ્ આ નય ॥

અઙ્ગો નુ મોદ્ ઇવ શ્વસો
અઙ્ગો નુ મોદ્ ઇવ સ્તનઃ ।
અન્યા વિવિત્સમાનો
અન્યાઃ પરાજિઘાંસન્ ।
મામ્ અનુ પ્ર તે મનશ્
છાયા યન્તમ્ ઇવાન્વ્ અયત્ ॥