Paippalāda-Saṃhitā · Chapter 4.19
iyattikā śakuntikā
sakā jaghāsa te viṣam |
māhaṃ mṛṣi mo asau puruṣo mṛta |
sa ca na marati mā vayaṃ marāma |
āre asya yojanaṃ hariṣṭhā
madhu tvā madhulā karat ||
sūrye viṣam ā sṛjāmi
dṛtiṃ surāvato gṛhe |
(…) ||
triṣaptā visphuliṅgakā
viṣasya puṣpakam akṣan |
(…) ||
ālvantaruṭaṃ viṣaṃ vidārī
karambho arasaṃ viṣam |
(…) ||
vār ugram arasaṃ viṣam
agniś ca viśvacarṣaṇiḥ |
(…) ||
śakuntikā me abravīd
viṣapuṣpaṃ dhayantikā |
(…) ||
na ropayati na mādayati
na viṣaṃ hanti pūruṣam |
māhaṃ mṛṣi mo asau puruṣo mṛta |
sa ca na marati mā vayaṃ marāma |
āre asya yojanaṃ hariṣṭhā
madhu tvā madhulā karat ||
navānāṃ navatīnām ity ekā ||
Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0