Scripture Library

Paippalāda-Saṃhitā · Chapter 4.16

4.16.1

udyann ādityo ghuṇān hantu
sūryo nimrocan raśmibhir hantu |
tāvan no abhisaṃhitam ||

4.16.2

apsarā mūlam akhanad
gandharvaḥ pary abravīt |
tena vo vṛtrahā sūryo
ni jambhyām̐ amṛtad ghuṇāḥ ||

4.16.3

ghuṇān hantv āyatī
ghuṇān hantu parāyatī |
ghuṇān avaghnatī hantu
ghuṇān pinaṣṭu piṃṣatī ||

4.16.4

ghuṇā na kiṃ caneha vaḥ
pratibuddhā abhūtana |
pradoṣaṃ taskarā iva ||

4.16.5

ghuṇānāṃ madhyato jyeṣṭhaḥ
kaniṣṭha uta madhyamaḥ |
hatā vaḥ sarve jñātayo
hatā mātā hataḥ pitā ||

4.16.6

yathā phena udakena
dadṛśāno nijasyati |
evā vayaṃ ghuṇān sarvān
sākaṃ vācā ni jāsayāmasi ||

4.16.7

ni gāvo goṣṭhe asadan
ni mṛgāso avikṣata |
ni tvam āditya raśmibhir
ghuṇān sarvām̐ ajījasaḥ ||

4.16.8

udyan raśmīn ā tanuṣva
bāṇavadbhiḥ sam arpaya |
ghuṇāṃs tvaṃ sarvān āditya
ghorayā tanvā tapa ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0