Scripture Library

Paippalāda-Saṃhitā · Chapter 4.17

4.17.1

ya ānataḥ parāṇato
dāror ivāpatakṣaṇam |
śarkoṭo nāma vā asi
kutas tvaṃ viṣavān asaḥ ||

4.17.2

ya ubhayena praharasi
pucchena cāsyena ca |
āsye cana te viṣaṃ
kutas te pucchadhāv asat ||

4.17.3

vidutsurasya dānavasya
tasya tvaṃ napād asi |
tasyāgre 'rasaṃ viṣaṃ
tatas tavārasaṃ viṣam ||

4.17.4

arasārasaṃ tvākaraṃ
vadhre vadhriṃ tvākaram |
vadhriṃ tvā cakrur devā
amṛtāsa āsuram ||

4.17.5

iyattakaḥ kuṣumbhakas
takaṃ bhinadmi śamyayā |
tato viṣaṃ parāsicam
apācīm anu saṃvatam ||

4.17.6

imāḥ paścā mayūryaḥ
sapta svasāro agruvaḥ |
tās te viṣaṃ vi jahrira
udakaṃ kumbhinīr iva
kūpāt kulijinīr iva ||

4.17.7

navānāṃ navatīnām ity eka ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0