પૈપ્પલાદ-સંહિતા · અધ્યાય 4.16

ઉદ્યન્ન્ આદિત્યો ઘુણાન્ હન્તુ
સૂર્યો નિમ્રોચન્ રશ્મિભિર્ હન્તુ ।
તાવન્ નો અભિસંહિતમ્ ॥

અપ્સરા મૂલમ્ અખનદ્
ગન્ધર્વઃ પર્ય્ અબ્રવીત્ ।
તેન વો વૃત્રહા સૂર્યો
નિ જમ્ભ્યાઁ અમૃતદ્ ઘુણાઃ ॥

ઘુણાન્ હન્ત્વ્ આયતી
ઘુણાન્ હન્તુ પરાયતી ।
ઘુણાન્ અવઘ્નતી હન્તુ
ઘુણાન્ પિનષ્ટુ પિંષતી ॥

ઘુણા ન કિં ચનેહ વઃ
પ્રતિબુદ્ધા અભૂતન ।
પ્રદોષં તસ્કરા ઇવ ॥

ઘુણાનાં મધ્યતો જ્યેષ્ઠઃ
કનિષ્ઠ ઉત મધ્યમઃ ।
હતા વઃ સર્વે જ્ઞાતયો
હતા માતા હતઃ પિતા ॥

યથા ફેન ઉદકેન
દદૃશાનો નિજસ્યતિ ।
એવા વયં ઘુણાન્ સર્વાન્
સાકં વાચા નિ જાસયામસિ ॥

નિ ગાવો ગોષ્ઠે અસદન્
નિ મૃગાસો અવિક્ષત ।
નિ ત્વમ્ આદિત્ય રશ્મિભિર્
ઘુણાન્ સર્વાઁ અજીજસઃ ॥

ઉદ્યન્ રશ્મીન્ આ તનુષ્વ
બાણવદ્ભિઃ સમ્ અર્પય ।
ઘુણાંસ્ ત્વં સર્વાન્ આદિત્ય
ઘોરયા તન્વા તપ ॥