Paippalāda-Saṃhitā · Chapter 4.14
yasminn āśīḥ pratihita idaṃ tac
chalyo veṇur veṣṭanaṃ tejanaṃ ca |
sūnur janitrīṃ janayehi śṛṇvann
ayaṃ ta ātmeta it prahitaḥ ||
asthi bhittvā yadi majjñaḥ papātha
yadi vāsi rataḥ puruṣantikāme |
urvīṃ gavyūtim abhy ehy arvāṅ
paścā raśmīn udyataḥ sūryasya ||
mātariśvā pavamānas tvāyan
sūrya ābhrājan tanvā dṛśe kaḥ |
asno gandhāt puvasaḥ pra cyavasva
vi mucyasva yonyā yā te atra ||
pra cyavasvāto abhy ehy arvāṅ
arthāṃs te vidma bahudhā bahir ye |
imāḥ svasāro ayam it pitā ta
iyaṃ te mātemam ehi bandhum ||
amitrair astā yadi vāsi mitrair
devair vā devi prahitāvasṛṣṭā -
- āviddhā śṛṅgaṃ puruṣe jahātha |
bāṇaḥ śṛṅgaṃ śikharaḥ saṃ satām itaḥ ||
śikhāsu sakto yadi vāsy agre
yadi vāsi saktaḥ puruṣasya māṃse |
dadhṛṅ na pāśām̐ apavṛjya muktvā-
-akṣiśalyaḥ kṛṇutām āyanāya ||
hastād dhastaṃ sam ayo bhriyamāṇo
bahiṣ ṭvā paśyān vīrudhāṃ balena |
adbhiḥ praṇiktaḥ śayāsā abhyaktaḥ
kośe jāmīnāṃ nihito ahiṃsaḥ ||
ṣaṣṭirātre ṣaṣṭikasya
śalyasya paridhiṣ kṛtaḥ |
itas tam adya te vayam
āsthānāc cyāvayāmasi ||
Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0