Scripture Library

Paippalāda-Saṃhitā · Chapter 4.13

4.13.1

śaṃ no devī pṛśniparṇy
aśaṃ nirṛtaye karat |
ugrā hi kaṇvajambhanī
tāṃ tvāhārṣaṃ sahasvatīm ||

4.13.2

sadānvāghnī prathamā
pṛśniparṇy ajāyata |
tayā kaṇvasyāhaṃ śiraś
chinadmi śakuner iva ||

4.13.3

ūrjabhṛtaṃ prāṇabhṛtaṃ
prajānām uta tarpaṇīm |
sarvās tāḥ pṛśniparṇī-
-itaḥ kaṇvā mā nīnaśat ||

4.13.4

samākṛtyainā nir aja
tīkṣṇaśṛṅga iva ṛṣabhaḥ |
arāyaṃ kaṇvaṃ pāpmānaṃ
pṛśniparṇi sahasvati ||

4.13.5

tvam ugre pṛśniparṇy
agnir iva pradahann ihi
kaṇvā jīvitayopanīḥ |
girim enā ā veśaya
tamāṃsi yatra gacchāṃs
tat pāpīr api pādaya ||

4.13.6

arāyam asṛkpāvānaṃ
yaś ca sphātiṃ jihīrṣati |
garbhādaṃ kaṇvaṃ nāśaya
pṛśniparṇi sahasvati ||

4.13.7

yā no gā yā no gṛhān
yā na sphātim upāharān |
tā ugre pṛśniparṇi tvaṃ
kaṇvā mā nīnaśa itaḥ ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0