Scripture Library

Paippalāda-Saṃhitā · Chapter 3.9

3.9.1

ambāḥ sumukhāḥ sṛjata
padvat sṛjata satyajñeyam |
sṛjāmy ahaṃ dūtān
asmai viṣāya hantave |
vār ugram arasaṃ viṣam
āheyam arasaṃ viṣaṃ nirviṣam ||

3.9.2

indram aham iha huve
somapām ubhayāvinam
asmai viṣāya hantave |
vār ugram arasaṃ viṣam
āheyam arasaṃ viṣaṃ nirviṣam ||

3.9.3

varuṇam aham iha huva
ugraṃ rājanyaiḥ saha-
-asmai viṣāya hantave |
vār ugram arasaṃ viṣam
āheyam arasaṃ viṣaṃ nirviṣam ||

3.9.4

aditim aham iha huve
sūraputrāṃ kanīnikām
asmai viṣāya hantave |
vār ugram arasaṃ viṣam
āheyam arasaṃ viṣaṃ nirviṣam ||

3.9.5

bṛhaspatim aham iha huve
yo devānāṃ purohito
'smai viṣāya hantave |
vār ugram arasaṃ viṣam
āheyam arasaṃ viṣaṃ nirviṣam ||

3.9.6

āṇāścāṇāś caṇḍāmarkā
asmai viṣāya hantave |
vār ugram arasaṃ viṣam
āheyam arasaṃ viṣaṃ nirviṣam ||

3.9.7

navānāṃ navatīnāṃ
viṣasya ropuṣīṇām |
sarvāsām agrabhaṃ nāma
vītāpetārasaṃ viṣam ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0