પૈપ્પલાદ-સંહિતા · અધ્યાય 3.8

યમસ્ય લોકાદ્ અધ્ય્ આ બભૂવિથ
પ્રમદા મર્તાન્ પ્ર યુનક્ષુધીરઃ ।
એકાકિના સરથં યાસિ વિદ્વાન્
સ્વપ્ન મિમાનો અસુરસ્ય યોનૌ ॥

બમ્બસ્ ત્વાગ્રે વિશ્વવયાપશ્યત્
પુરા રાત્ર્યા જનિતોર્ એકે અહ્નિ ।
તતઃ સ્વપ્નેદમ્ અધ્ય્ આ બભૂવિથ
વિષ્વઙ્વરૂપમ્ અપગૂહમાનઃ ॥

બૃહન્ ગ્રાવાસુરેભ્યો ઽધિ દેવાન્
ઉપાવવર્ત મહિમાનમ્ ઇચ્છન્ ।
તસ્મૈ સ્વપ્નાય દધુર્ આધિપત્યં
ત્રયસ્ત્રિંશાસઃ સ્વર્ આનશાનાઃ ॥

નૈતાં વિદુઃ પિતરો નોત દેવા
યૈષા જલ્પિશ્ ચરત્ય્ અન્તરેદમ્ ।
ત્રિતે સ્વપ્નમ્ અદધુર્ આપ્ત્યે નર
આદિત્યાસો વરુણેનાનુશિષ્ટાઃ ॥

વ્ય્ અસ્ય ક્રૂરમ્ અભિ યન્તુ દુષ્કૃતો
ઽસ્વપ્નેન સુકૃતઃ પુણ્યમ્ આયુઃ ।
સ્વર્ મદસિ પરમેણ બન્ધુના
તપ્યમાનસ્ય મનસો ઽધિ જજ્ઞિષે ॥

વિદ્મ તે સર્વાઃ પરિજાઃ પુરસ્તાદ્
વિદ્મ સ્વપ્ન યો અધિપા ઇહો તે ।
યશસ્વિનો નો યશસેહ પાહ્ય્
આરાદ્ દ્વિષેભિર્ અપ યાહિ દૂરમ્ ॥