Scripture Library

Paippalāda-Saṃhitā · Chapter 3.5

3.5.1

agnir no dūtaḥ praty etu śatrūn
pratidahann abhiśastim arātim |
sa cittāni mohayatu pareṣāṃ
nihastāṃś ca kṛṇavaj jātavedāḥ ||

3.5.2

ayam agnir amūmuhad
yāni cittāni vo hṛdi |
vi vo dhamāty okasaḥ
pra vo dhamāti sarvataḥ ||

3.5.3

indra cittāni mohaya-
-arvāg ākūtyā adhi |
agner vātasya dhrājyā
tān viṣūco vi nāśaya ||

3.5.4

vy eṣām ākūtaya ita -
-atho cittāni muhyata |
atho yad adyaiṣāṃ hṛdi
tad eṣāṃ pari nir jahi ||

3.5.5

amīṣāṃ cittāni pratimohayantī
gṛhāṇāṅgāny apve parehi |
abhi prehi nir daha hṛtsu śokair
grāhyāmitrāṃs tamasā vidhya śatrūn ||

3.5.6

asau yā senā marutaḥ pareṣām
asmān abhy aity ojasā spardhamānā |
tāṃ guhata tamasāpavratena
yathaiṣām anyo anyaṃ na jānāt ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0