પૈપ્પલાદ-સંહિતા · અધ્યાય 3.5
અગ્નિર્ નો દૂતઃ પ્રત્ય્ એતુ શત્રૂન્
પ્રતિદહન્ન્ અભિશસ્તિમ્ અરાતિમ્ ।
સ ચિત્તાનિ મોહયતુ પરેષાં
નિહસ્તાંશ્ ચ કૃણવજ્ જાતવેદાઃ ॥
અયમ્ અગ્નિર્ અમૂમુહદ્
યાનિ ચિત્તાનિ વો હૃદિ ।
વિ વો ધમાત્ય્ ઓકસઃ
પ્ર વો ધમાતિ સર્વતઃ ॥
ઇન્દ્ર ચિત્તાનિ મોહય-
-અર્વાગ્ આકૂત્યા અધિ ।
અગ્નેર્ વાતસ્ય ધ્રાજ્યા
તાન્ વિષૂચો વિ નાશય ॥
વ્ય્ એષામ્ આકૂતય ઇત -
-અથો ચિત્તાનિ મુહ્યત ।
અથો યદ્ અદ્યૈષાં હૃદિ
તદ્ એષાં પરિ નિર્ જહિ ॥
અમીષાં ચિત્તાનિ પ્રતિમોહયન્તી
ગૃહાણાઙ્ગાન્ય્ અપ્વે પરેહિ ।
અભિ પ્રેહિ નિર્ દહ હૃત્સુ શોકૈર્
ગ્રાહ્યામિત્રાંસ્ તમસા વિધ્ય શત્રૂન્ ॥
અસૌ યા સેના મરુતઃ પરેષામ્
અસ્માન્ અભ્ય્ ઐત્ય્ ઓજસા સ્પર્ધમાના ।
તાં ગુહત તમસાપવ્રતેન
યથૈષામ્ અન્યો અન્યં ન જાનાત્ ॥
મૂળ પાઠ: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0