Scripture Library

Paippalāda-Saṃhitā · Chapter 3.4

3.4.1

yad adaḥ saṃprayatīr
ahāvanadatā hate |
tasmād ā nadyo nāma stha
tā vo nāmāni sindhavaḥ ||

3.4.2

yat preṣitā varuṇena-
-āc chībhaṃ samavalgata |
tad āpnod indro vo yatīs
tasmād āpo anu ṣṭhana ||

3.4.3

apakāmaṃ syandamānā
avīvarata vo hikam |
indro vaḥ śaktibhir devīs
tasmād vār ṇāma vo hikam ||

3.4.4

eko vo deva upātiṣṭhat
syandamānā upetya |
udāniṣur mahīr iti
tasmād udakam ucyadhve ||

3.4.5

āpo devīr ghṛtam id āpa āhur
agnīṣomau bibhraty āpa it tāḥ |
tīvro raso madhupṛcām araṅgama
ā mā prāṇena saha varcasāgan ||

3.4.6

ād it paśyāmy uta vā śṛṇomy
ā mā ghoṣo gacchati vāṅ māsām |
mene bhejāno amṛtasya tarhi
hiraṇyavarṇā atṛpaṃ yadāpaḥ ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0