Scripture Library

Paippalāda-Saṃhitā · Chapter 3.3

3.3.1

pumān puṃsaḥ parijāto
'śvatthaḥ khadirād adhi |
sa hantu śatrūn māmakān
yāṃś cāhaṃ dveṣmi ye ca mām ||

3.3.2

tān aśvattha niḥ śṛṇīhi
śatrūn vaibādha dodhataḥ |
indreṇa vṛtraghnā mehy
agninā varuṇena ca ||

3.3.3

yathāśvattha niḥśṛṇāsi
pūrvān jātān utāparān |
evā pṛtanyatas tvam
abhi tiṣṭha sahasva ca ||

3.3.4

yathāśvattha vibhinatsy
antar mahaty arṇave |
evā me śatroś cittāni
viṣvag bhindhi sahasva ca ||

3.3.5

yaḥ sahamānaś carasi
sāsahāna iva rṣabhaḥ |
tenāśvattha tvayā vayaṃ
sapatnān sahiṣīmahi ||

3.3.6

sinātv enān nirṛtir
mṛtyoḥ pāśair amokyaiḥ |
aśvattha śatrūn māmakān
yāṃś cāhaṃ dveṣmi ye ca mām ||

3.3.7

adharāñcaḥ pra plavantāṃ
chinnā naur iva bandhanāt |
na nir bādha praṇuttānāṃ
punar asti nivartanam ||

3.3.8

praiṇān nudāmi manasā
pra cittena pra brahmaṇā |
praiṇān vṛkṣasya śākhaya-
-aśvatthasya nudāmasi ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0