પૈપ્પલાદ-સંહિતા · અધ્યાય 3.4

યદ્ અદઃ સંપ્રયતીર્
અહાવનદતા હતે ।
તસ્માદ્ આ નદ્યો નામ સ્થ
તા વો નામાનિ સિન્ધવઃ ॥

યત્ પ્રેષિતા વરુણેન-
-આચ્ છીભં સમવલ્ગત ।
તદ્ આપ્નોદ્ ઇન્દ્રો વો યતીસ્
તસ્માદ્ આપો અનુ ષ્ઠન ॥

અપકામં સ્યન્દમાના
અવીવરત વો હિકમ્ ।
ઇન્દ્રો વઃ શક્તિભિર્ દેવીસ્
તસ્માદ્ વાર્ ણામ વો હિકમ્ ॥

એકો વો દેવ ઉપાતિષ્ઠત્
સ્યન્દમાના ઉપેત્ય ।
ઉદાનિષુર્ મહીર્ ઇતિ
તસ્માદ્ ઉદકમ્ ઉચ્યધ્વે ॥

આપો દેવીર્ ઘૃતમ્ ઇદ્ આપ આહુર્
અગ્નીષોમૌ બિભ્રત્ય્ આપ ઇત્ તાઃ ।
તીવ્રો રસો મધુપૃચામ્ અરઙ્ગમ
આ મા પ્રાણેન સહ વર્ચસાગન્ ॥

આદ્ ઇત્ પશ્યામ્ય્ ઉત વા શૃણોમ્ય્
આ મા ઘોષો ગચ્છતિ વાઙ્ માસામ્ ।
મેને ભેજાનો અમૃતસ્ય તર્હિ
હિરણ્યવર્ણા અતૃપં યદાપઃ ॥