Scripture Library

Paippalāda-Saṃhitā · Chapter 3.39

3.39.1

yā te prajāpihitā purābhūd
dhruveṇāśvināpa taṃ bharāmi |
agniṣ ṭe tāmādyamaḥ punar dād
vaiśvānaraḥ paramasmād vyomnaḥ ||

3.39.2

tvaṃ patiḥ śivo 'gne dvitīyo
*'syai prajāṃ jaradaṣṭiṃ sṛjasva |
muñcaināṃ grāhyā nirṛtir yad bandha-
-agne prajāṃ prajākāmāyai dhehi ||

3.39.3

tvām agne vṛṣabhaṃ vāśiteyam
ācyā jānu putrakāmā saparyati |
tām ā roha sumanasyamānaḥ
prajāpateḥ prajayā saṃ sṛjainām ||

3.39.4

tubhyaṃ nārī putrakāmeyam agne
śuddhaṃ pūtaṃ ghṛtam ā juhoti |
tām adhi skanda vīrayasva retodhā
ugraḥ prajayā saṃ sṛjainam ||

3.39.5

parvatād divo yoner
gātrādgātrāt samāśṛtam |
reto devasyadevasya
tsarau parṇam ivādhām ||

3.39.6

indrasya jātasya pra papāta nābhis
tām eko devaḥ prati jagrāha kāmī |
tvayā vayaṃ brāhmaṇāḥ somapāḥ
sūpayāma uta yā na sūte ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0