પૈપ્પલાદ-સંહિતા · અધ્યાય 3.39

યા તે પ્રજાપિહિતા પુરાભૂદ્
ધ્રુવેણાશ્વિનાપ તં ભરામિ ।
અગ્નિષ્ ટે તામાદ્યમઃ પુનર્ દાદ્
વૈશ્વાનરઃ પરમસ્માદ્ વ્યોમ્નઃ ॥

ત્વં પતિઃ શિવો ઽગ્ને દ્વિતીયો
*ઽસ્યૈ પ્રજાં જરદષ્ટિં સૃજસ્વ ।
મુઞ્ચૈનાં ગ્રાહ્યા નિરૃતિર્ યદ્ બન્ધ-
-અગ્ને પ્રજાં પ્રજાકામાયૈ ધેહિ ॥

ત્વામ્ અગ્ને વૃષભં વાશિતેયમ્
આચ્યા જાનુ પુત્રકામા સપર્યતિ ।
તામ્ આ રોહ સુમનસ્યમાનઃ
પ્રજાપતેઃ પ્રજયા સં સૃજૈનામ્ ॥

તુભ્યં નારી પુત્રકામેયમ્ અગ્ને
શુદ્ધં પૂતં ઘૃતમ્ આ જુહોતિ ।
તામ્ અધિ સ્કન્દ વીરયસ્વ રેતોધા
ઉગ્રઃ પ્રજયા સં સૃજૈનમ્ ॥

પર્વતાદ્ દિવો યોનેર્
ગાત્રાદ્ગાત્રાત્ સમાશૃતમ્ ।
રેતો દેવસ્યદેવસ્ય
ત્સરૌ પર્ણમ્ ઇવાધામ્ ॥

ઇન્દ્રસ્ય જાતસ્ય પ્ર પપાત નાભિસ્
તામ્ એકો દેવઃ પ્રતિ જગ્રાહ કામી ।
ત્વયા વયં બ્રાહ્મણાઃ સોમપાઃ
સૂપયામ ઉત યા ન સૂતે ॥