પૈપ્પલાદ-સંહિતા · અધ્યાય 3.3

પુમાન્ પુંસઃ પરિજાતો
ઽશ્વત્થઃ ખદિરાદ્ અધિ ।
સ હન્તુ શત્રૂન્ મામકાન્
યાંશ્ ચાહં દ્વેષ્મિ યે ચ મામ્ ॥

તાન્ અશ્વત્થ નિઃ શૃણીહિ
શત્રૂન્ વૈબાધ દોધતઃ ।
ઇન્દ્રેણ વૃત્રઘ્ના મેહ્ય્
અગ્નિના વરુણેન ચ ॥

યથાશ્વત્થ નિઃશૃણાસિ
પૂર્વાન્ જાતાન્ ઉતાપરાન્ ।
એવા પૃતન્યતસ્ ત્વમ્
અભિ તિષ્ઠ સહસ્વ ચ ॥

યથાશ્વત્થ વિભિનત્સ્ય્
અન્તર્ મહત્ય્ અર્ણવે ।
એવા મે શત્રોશ્ ચિત્તાનિ
વિષ્વગ્ ભિન્ધિ સહસ્વ ચ ॥

યઃ સહમાનશ્ ચરસિ
સાસહાન ઇવ ર્ષભઃ ।
તેનાશ્વત્થ ત્વયા વયં
સપત્નાન્ સહિષીમહિ ॥

સિનાત્વ્ એનાન્ નિરૃતિર્
મૃત્યોઃ પાશૈર્ અમોક્યૈઃ ।
અશ્વત્થ શત્રૂન્ મામકાન્
યાંશ્ ચાહં દ્વેષ્મિ યે ચ મામ્ ॥

અધરાઞ્ચઃ પ્ર પ્લવન્તાં
છિન્ના નૌર્ ઇવ બન્ધનાત્ ।
ન નિર્ બાધ પ્રણુત્તાનાં
પુનર્ અસ્તિ નિવર્તનમ્ ॥

પ્રૈણાન્ નુદામિ મનસા
પ્ર ચિત્તેન પ્ર બ્રહ્મણા ।
પ્રૈણાન્ વૃક્ષસ્ય શાખય-
-અશ્વત્થસ્ય નુદામસિ ॥