Scripture Library

Paippalāda-Saṃhitā · Chapter 3.21

3.21.1

imam indra vardhaya kṣatriyaṃ ma
imaṃ viśām ekavṛṣaṃ kṛṇu tvam |
nir amitrān akṣṇuhy asya sarvāṃs
tān randhayāsmā ahamuttareṣu ||

3.21.2

ayam astu dhanapatir dhanānām
ayaṃ viśāṃ viśpatir astu rājā |
asminn indra mahi varcāṃsi dhehy
avarcasaṃ kṛṇuhi śatrum asya ||

3.21.3

emaṃ bhaja grāme aśveṣu goṣu
niṣṭaṃ bhaja yo 'mitro asya |
varṣmat kṣatrāṇām ayam astu rājā-
-indra śatrūṃ randhaya sarvam asmai ||

3.21.4

asmai dyāvāpṛthivī bhūri vāmaṃ
saṃ duhātāṃ gharmadughe iva dhenum |
ayaṃ rājā priya indrasya bhūyāt
priyo gavām oṣadhīnām utāpām ||

3.21.5

yunajmi ta uttarāvantam indraṃ
yena jayanti na parājayante |
yas tvā karad ekavṛṣaṃ janānām
uta rājann uttamaṃ mānavānām ||

3.21.6

uttaras tvam adhare santv anye
ye ke ca rājan pratiśatravas te |
ekavṛṣa indrasakhā jigīvāṃ
chatrūyatām abhi tiṣṭhā mahāṃsi ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0