Scripture Library

Paippalāda-Saṃhitā · Chapter 3.22

3.22.1

viṣāṇāsyāṅgirasī
devajāḥ praticakṣaṇī |
divas pṛthivyāḥ saṃbhūtā
sahasrākṣīhaidhi naḥ ||

3.22.2

sahasrākṣī yā tu gṛbhā-
-ati paśyāsy oṣadhe |
sadānvāghnī rakṣoghnī
bhaveha praticakṣaṇī ||

3.22.3

ye haranty āsuteyaṃ
payasphātiṃ cauṣadhe |
tāṃs tvaṃ sahasracakṣo
gṛbhāya kṛtavīrye ||

3.22.4

ya āturaṃ randhayante
'rṣmantaṃ ca vihṛtam |
tāṃs tvaṃ sahasracakṣo
gṛbhāya kṛtavīrye ||

3.22.5

yathāśvā caturakṣo
rātriṃ naktātipaśyati |
evā sahasracakṣo tvaṃ
prati paśyāsy āyataḥ ||

3.22.6

gobhir aśvair vasubhir
apakrītāsy oṣadhe |
śyāvasyāśvasya cakṣuṣā
prati paśya kimīdinaḥ ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0