Scripture Library

Paippalāda-Saṃhitā · Chapter 3.20

3.20.1

ihaiva dhruvāṃ ni minomi śālāṃ
kṣeme tiṣṭhāti ghṛtam ukṣamāṇā |
tāṃ tvā śāle sarvavīrāḥ suvīrā
ariṣṭavīrā abhi saṃ carema ||

3.20.2

ihaiva dhruvā prati tiṣṭha śāle
aśvāvatī gomatī sūnṛtāvatī |
ūrjasvatī ghṛtavatī payasvaty
uc chrayasva mahate saubhagāya ||

3.20.3

dharuṇy asi śāle
bṛhacchandāḥ pūtidhānyā |
ā tvā vatso mīmayad ā kumāra
ā dhenavaḥ sāyam ā syandamānāḥ ||

3.20.4

imāṃ śālāṃ savitā vāyur agnis
tvaṣṭā hotā ni minotu prajānan |
ukṣantūdhnā maruto ghṛtena
bhago no rājā ni kṛṣiṃ tanotu ||

3.20.5

mānasya patnī śaraṇā syonā
devī devebhir nimitāsy agre |
tṛṇaṃ vasānā sumanā asas tvaṃ
rayiṃ no dhehi subhage suvīram ||

3.20.6

ā tvā kumāras taruṇa
ā vatso jagatā saha |
ā tvā pariśrutaḥ kumbha
ā dadhnaḥ kalaśy ayat ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0