Scripture Library

Paippalāda-Saṃhitā · Chapter 3.19

3.19.1

saṃśitaṃ ma idaṃ brahma
saṃśitaṃ vīryaṃ mama |
saṃśitaṃ kṣatraṃ me jiṣṇu
yeṣām asmi purohitaḥ ||

3.19.2

sam aham eṣāṃ rāṣṭraṃ śyāmi
sam ojo vīryaṃ balam |
vṛścāmi śatrūṇāṃ bāhū
saṃ śyāmi svān aham ||

3.19.3

tekṣṇīyāṃsaḥ parśor
agnes tīkṣṇatarā uta |
indrasya vajrāt tekṣṇiyāṃso
yeṣām asmi purohitaḥ ||

3.19.4

adhas padyantām adhare bhavantu
ye na indraṃ maghavānaṃ pṛtanyān |
kṣaṇāmi brahmaṇāmitrān un nayāmi svān aham ||

3.19.5

eṣām aham āyudhā saṃ śyāmy
eṣāṃ rāṣṭraṃ suvīraṃ vardhayāmi |
eṣāṃ kṣatram ajaram astu jiṣṇu-
-ugram eṣāṃ cittaṃ viśve vantu devāḥ ||

3.19.6

abhi preta jayata prasūtāḥ
saṃ vaḥ śyāmi nara āyudhāni |
tīkṣṇeṣavo baladhanvano hata-
-ugrāyudhā abalān ugrabāhavaḥ ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0