પૈપ્પલાદ-સંહિતા · અધ્યાય 3.19

સંશિતં મ ઇદં બ્રહ્મ
સંશિતં વીર્યં મમ ।
સંશિતં ક્ષત્રં મે જિષ્ણુ
યેષામ્ અસ્મિ પુરોહિતઃ ॥

સમ્ અહમ્ એષાં રાષ્ટ્રં શ્યામિ
સમ્ ઓજો વીર્યં બલમ્ ।
વૃશ્ચામિ શત્રૂણાં બાહૂ
સં શ્યામિ સ્વાન્ અહમ્ ॥

તેક્ષ્ણીયાંસઃ પર્શોર્
અગ્નેસ્ તીક્ષ્ણતરા ઉત ।
ઇન્દ્રસ્ય વજ્રાત્ તેક્ષ્ણિયાંસો
યેષામ્ અસ્મિ પુરોહિતઃ ॥

અધસ્ પદ્યન્તામ્ અધરે ભવન્તુ
યે ન ઇન્દ્રં મઘવાનં પૃતન્યાન્ ।
ક્ષણામિ બ્રહ્મણામિત્રાન્ ઉન્ નયામિ સ્વાન્ અહમ્ ॥

એષામ્ અહમ્ આયુધા સં શ્યામ્ય્
એષાં રાષ્ટ્રં સુવીરં વર્ધયામિ ।
એષાં ક્ષત્રમ્ અજરમ્ અસ્તુ જિષ્ણુ-
-ઉગ્રમ્ એષાં ચિત્તં વિશ્વે વન્તુ દેવાઃ ॥

અભિ પ્રેત જયત પ્રસૂતાઃ
સં વઃ શ્યામિ નર આયુધાનિ ।
તીક્ષ્ણેષવો બલધન્વનો હત-
-ઉગ્રાયુધા અબલાન્ ઉગ્રબાહવઃ ॥