Paippalāda-Saṃhitā · Chapter 20.8
agnāviṣṇū mahi dhāma priyaṃ vāṃ
pātaṃ ghṛtasya guhyāni nāma |
damedame sapta ratnā dadhān -
-opa vāṃ jihvā ghṛtam ā caraṇyāt ||
agnāviṣṇū mahi tad vāṃ mahitvaṃ
vītaṃ ghṛtasya guhyā juṣāṇā |
damedame suṣṭutyā vāvṛdhānā
prati vāṃ jihvā ghṛtam uc caraṇyāt ||
un nambhaya pṛthivīṃ
bhindhīdaṃ divyaṃ nabhaḥ |
ūdhno divyasya no dhātar
īśāno vi ṣyā bilam ||
apakrāman pauruṣeyād
gṛṇāno daivyaṃ sahaḥ |
praṇītīr abhyāvartasva
devo devānāṃ sakhyā juṣāṇaḥ ||
pitor ahaṃ pitupatiṃ tad īḍe
dhātā vidhartā bhuvaneṣv eṣu |
nemena mahyaṃ madhumām̐ ihaidhi
nemenāmuṣmai viṣuvān nv edhi ||
ayaṃ pitoḥ pitumān ābhṛtas par-
-īdaṃ śṛṇotu yad ahaṃ bravīmi |
nemena mahyaṃ madhumām̐ ihaidhi
nemenāmuṣmai viṣuvān nv edhi ||
atraivainaṃ nirṛta ā rabhasv-
-ātraivainaṃ nirṛte pra kṣiṇīhy
atraivainaṃ sarva vi vṛśca |
nemena mahyaṃ madhumām̐ ihaidhi
nemenāmuṣmai viṣuvān nv edhi ||
yat tvā pita upabruve tan ma ā śṛṇv
asmin me have havyo yathāsaḥ |
amuṃ devair nirṛtiḥ saṃvidān-
-āmuṃ chinatti varuṇasya pāśāt ||
yad asmṛti cakṛmā kiṃ cid ena
upārima caraṇair jātavedaḥ |
tasmāt pāhi tvaṃ naḥ pracetaḥ
śubhe sakhibhyo amṛtatvam asmān ||
agne 'dhyakṣo na ehi pāhi no duritāt pāhi duṣvapnyāt |
āsanyād anyād yakṣmān naḥ pāhi ||
Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0