પૈપ્પલાદ-સંહિતા · અધ્યાય 20.8

અગ્નાવિષ્ણૂ મહિ ધામ પ્રિયં વાં
પાતં ઘૃતસ્ય ગુહ્યાનિ નામ ।
દમેદમે સપ્ત રત્ના દધાન્ -
-ઓપ વાં જિહ્વા ઘૃતમ્ આ ચરણ્યાત્ ॥

અગ્નાવિષ્ણૂ મહિ તદ્ વાં મહિત્વં
વીતં ઘૃતસ્ય ગુહ્યા જુષાણા ।
દમેદમે સુષ્ટુત્યા વાવૃધાના
પ્રતિ વાં જિહ્વા ઘૃતમ્ ઉચ્ ચરણ્યાત્ ॥

ઉન્ નમ્ભય પૃથિવીં
ભિન્ધીદં દિવ્યં નભઃ ।
ઊધ્નો દિવ્યસ્ય નો ધાતર્
ઈશાનો વિ ષ્યા બિલમ્ ॥

અપક્રામન્ પૌરુષેયાદ્
ગૃણાનો દૈવ્યં સહઃ ।
પ્રણીતીર્ અભ્યાવર્તસ્વ
દેવો દેવાનાં સખ્યા જુષાણઃ ॥

પિતોર્ અહં પિતુપતિં તદ્ ઈડે
ધાતા વિધર્તા ભુવનેષ્વ્ એષુ ।
નેમેન મહ્યં મધુમાઁ ઇહૈધિ
નેમેનામુષ્મૈ વિષુવાન્ ન્વ્ એધિ ॥

અયં પિતોઃ પિતુમાન્ આભૃતસ્ પર્-
-ઈદં શૃણોતુ યદ્ અહં બ્રવીમિ ।
નેમેન મહ્યં મધુમાઁ ઇહૈધિ
નેમેનામુષ્મૈ વિષુવાન્ ન્વ્ એધિ ॥

અત્રૈવૈનં નિરૃત આ રભસ્વ્-
-આત્રૈવૈનં નિરૃતે પ્ર ક્ષિણીહ્ય્
અત્રૈવૈનં સર્વ વિ વૃશ્ચ ।
નેમેન મહ્યં મધુમાઁ ઇહૈધિ
નેમેનામુષ્મૈ વિષુવાન્ ન્વ્ એધિ ॥

યત્ ત્વા પિત ઉપબ્રુવે તન્ મ આ શૃણ્વ્
અસ્મિન્ મે હવે હવ્યો યથાસઃ ।
અમું દેવૈર્ નિરૃતિઃ સંવિદાન્-
-આમું છિનત્તિ વરુણસ્ય પાશાત્ ॥

યદ્ અસ્મૃતિ ચકૃમા કિં ચિદ્ એન
ઉપારિમ ચરણૈર્ જાતવેદઃ ।
તસ્માત્ પાહિ ત્વં નઃ પ્રચેતઃ
શુભે સખિભ્યો અમૃતત્વમ્ અસ્માન્ ॥

અગ્ને ઽધ્યક્ષો ન એહિ પાહિ નો દુરિતાત્ પાહિ દુષ્વપ્ન્યાત્ ।
આસન્યાદ્ અન્યાદ્ યક્ષ્માન્ નઃ પાહિ ॥