પૈપ્પલાદ-સંહિતા · અધ્યાય 20.65

અયં પિણ્ડઃ કર્કરપિણ્ડઃ
સ્મરઃ પાઞ્ચલઃ સંતપનઃ કરંકરઃ ।
અમુષ્ય હૃદયં તપો
યમ્ અહં કામયે પ્રિયમ્ ॥

યથાયમ્ અગ્નિસ્ તપતિ
યથા તપતિ સૂર્યઃ ।
એવા તે તપ્યતાં મનો
હૃદયમ્ અઙ્ગમઙ્ગં પરુષ્પરુર્
માં કામેન ન રમાસા અત્ર ॥

યથા તપતિ પરશું
યથા વાસિનખાદનમ્ ।
યથા સૂર્ય ઉદ્યન્ સર્વં સંતપતિ ।
એવા તે તપ્યતાં મનો હૃદયમ્
અઙ્ગમઙ્ગં પરુષ્પરુર્
માં કામેન ન રમાસા અત્ર ॥

સં ત્વા દ્યૌશ્ ચ પૃથિવી ચ તપતાં
માં કામેન ન રમાસા અત્ર ॥

સ્મર હૈ સ્મરતાદ્ અમુમ્
અઙ્ગજ્વરેણોચ્છોચનીનામ્ ।
તક્મનૈનં સં સૃજ
વિશ્વશારદેન મમ કામેન ॥

અષ્ટાશીતિં સહસ્રાણ્ય્
અત્ય્ અવાદીદ્ વચો મમ ।
ઇહારે ઽહમ્ અવાદિષમ્
અત્રારે પ્રાયસ્ય્ અસ્તમ્ ॥

યં સુમિત્રઃ સુમિત્રાયૈ
ચક્રે ઽવાસા સ્મરમ્ ।
યથા સા તસ્ય કામેન
ન સુષ્વાપ કદા ચન ।
એવાસૌ મમ કામેન
માવ સ્વાપ્સીત્ કદા ચન ॥

પર્ય્ અગ્નિર્ આપસ્ તપતિ
પરિ દ્યામ્ એતિ સૂર્યઃ ।
પરિ ત્વામ્ ઇન્દ્રો વૃત્રહા
મહ્યં તપતુ સર્વતઃ ॥

યથા વાતો ન્યાવાતિ
યથા તપતિ સૂર્યઃ ।
એવા ત્વમ્ ઇન્દ્ર વૃત્રહન્ન્
અમું મહ્યમ્ ઇહા નય ॥

શાલાલવં સંવનનં
વનાદ્ વનનમ્ આભૃતમ્ ।
યેન ગયો ગન્ધર્વો
અપ્સરસાં સમવાનયત્ ।
તેનાહમ્ અમું મયિ વાનયામ્ય્
આ મૃત્યોર્ આ પરાવતઃ ॥