पैप्पलाद-संहिता · अध्याय 20.63
सेसिचाम् उपत्वचां नाशय्-
-आ पुरुरूपाद् अभील्यं मुखात् ॥
यन् मे कृताद् अप्रियाद्
आरुरोह मलं मुखम् ।
अपां वात इव शीपालं
सूर्यस् तद् अप लुम्पतु ॥
अप मे ऽभीली पतत्व्
अभ्रं वातहृतं यथा ।
आ मा सुवर्णं गच्छतु
सुभागम् अस्तु मे मुखम् ॥
यथा सूर्यस्योपोदये
हिरण्यं प्रतिरोचते ।
एवा मे अश्विना मुखं
सुवर्णं प्रति रोचताम् ॥
प्र यद् गावो न भूर्णयस्
त्वेषा वयांस्य् अक्रमन् ।
घ्नन्तु कृष्णाम् अप त्वचं
सुभागम् अस्तु मे मुखम् ॥
इन्द्रेण प्रेषित
उलूका सं पचामि ते ॥
सोमेन प्रेषित
उलूका सं पचामि ते ॥
सूर्येण प्रेषित
उलूका सं पचामि ते ॥
बृहस्पतिना प्रेषित
उलूकासं पचामि ते ॥
प्रजापतिना प्रेषित
उलूकासं पचामि ते ॥
मूल पाठ: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0