Scripture Library

Paippalāda-Saṃhitā · Chapter 20.38

20.38.1

yady asy apriyajā
yadi vānyata ābhṛtaḥ |
visalpakasya bheṣajīr
devīr āpa imā mama ||

20.38.2

yavasya pūtikasya
dṛśāmbasyota garmutaḥ |
teṣāṃ sam agrabhaṃ śuṣmam
āśūnāṃ dhāvatām iva ||

20.38.3

yas tanuḥ praturvaṇī
vadha iva prasarpati |
mayūraḥ kila te viṣaṃ
kṛkavākuś ca jakṣatu ||

20.38.4

udīcīnaḥ pra tanoti
nitatnir bhūmyām adhi |
ojmānaṃ paśya vīrudho
mithunā sam avīvanat ||

20.38.5

ni tvātanaṃ nitatninā
pari tvāgāṃ sahīyasā |
śyenād abhidravīyasā
suparṇān nikarīyasā ||

20.38.6

yad atrāpi madhor ahaṃ
niraṣṭhaviṣam asmṛtam |
agniś ca tat savitā ca
punar me jaṭhare dhattām ||

20.38.7

agne rudrasya jāyāsi
duhitāsi prajāpateḥ |
uccaiḥśloke dānapatni haviḥśrava
upa tvā hvaya upa mā hvayasva |
nariṣṭā nāma vā asi ||

20.38.8

yathāsau hariṇo vṛṣā
kūlād adhi praskandati |
evā ni ṣkanda pitryād
bhagaṃ jayantī dhanaṃ jayantī ||

20.38.9

ṛjiśvā mahyam abravīd
gandharvasyānuśāsanam |
etat te pativedanam ||

20.38.10

pāṭā bhinattu kumbhaṃ
pāṭā kumbhīṃ gadohanīm |
pāṭā sarvasya pātrasya
vadhūṃ kṛṇotu viśvataḥ ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0