પૈપ્પલાદ-સંહિતા · અધ્યાય 20.38

યદ્ય્ અસ્ય્ અપ્રિયજા
યદિ વાન્યત આભૃતઃ ।
વિસલ્પકસ્ય ભેષજીર્
દેવીર્ આપ ઇમા મમ ॥

યવસ્ય પૂતિકસ્ય
દૃશામ્બસ્યોત ગર્મુતઃ ।
તેષાં સમ્ અગ્રભં શુષ્મમ્
આશૂનાં ધાવતામ્ ઇવ ॥

યસ્ તનુઃ પ્રતુર્વણી
વધ ઇવ પ્રસર્પતિ ।
મયૂરઃ કિલ તે વિષં
કૃકવાકુશ્ ચ જક્ષતુ ॥

ઉદીચીનઃ પ્ર તનોતિ
નિતત્નિર્ ભૂમ્યામ્ અધિ ।
ઓજ્માનં પશ્ય વીરુધો
મિથુના સમ્ અવીવનત્ ॥

નિ ત્વાતનં નિતત્નિના
પરિ ત્વાગાં સહીયસા ।
શ્યેનાદ્ અભિદ્રવીયસા
સુપર્ણાન્ નિકરીયસા ॥

યદ્ અત્રાપિ મધોર્ અહં
નિરષ્ઠવિષમ્ અસ્મૃતમ્ ।
અગ્નિશ્ ચ તત્ સવિતા ચ
પુનર્ મે જઠરે ધત્તામ્ ॥

અગ્ને રુદ્રસ્ય જાયાસિ
દુહિતાસિ પ્રજાપતેઃ ।
ઉચ્ચૈઃશ્લોકે દાનપત્નિ હવિઃશ્રવ
ઉપ ત્વા હ્વય ઉપ મા હ્વયસ્વ ।
નરિષ્ટા નામ વા અસિ ॥

યથાસૌ હરિણો વૃષા
કૂલાદ્ અધિ પ્રસ્કન્દતિ ।
એવા નિ ષ્કન્દ પિત્ર્યાદ્
ભગં જયન્તી ધનં જયન્તી ॥

ઋજિશ્વા મહ્યમ્ અબ્રવીદ્
ગન્ધર્વસ્યાનુશાસનમ્ ।
એતત્ તે પતિવેદનમ્ ॥

પાટા ભિનત્તુ કુમ્ભં
પાટા કુમ્ભીં ગદોહનીમ્ ।
પાટા સર્વસ્ય પાત્રસ્ય
વધૂં કૃણોતુ વિશ્વતઃ ॥