Paippalāda-Saṃhitā · Chapter 20.34

śaṃ mā vāto abhi vātu
śaṃ me tapatu sūryaḥ |
ahāni śaṃ bhavantu me
śaṃ rātrī prati dhīyatāṃ
śam uṣā me vy ucchatu ||

ut tiṣṭhata pitaro ye purāsthan
yamaṃ rājānam avasānam arcata |
ayaṃ nṛṇāṃ nṛtamaḥ śreṣṭha āgan
tasmai lokaṃ kṛṇuta yāvatsabandhu ||

yasyedaṃ śastaṃ pratimākṛtaṃ
devair dattam asūriyaṃ ca saṃbhṛtam |
triḥ sapta kṛtva ṛṣayaḥ paretā
mṛtyuṃ praty auhan padayopanena ||

agaman gāvaḥ sadanam
agamad vasatiṃ vayaḥ |
āsthāne parvatā asthuḥ
sthāman vṛkkāv arīramam ||

ā gāvo goṣṭham agamann
āgnidhānāny agnayaḥ |
ā vṛkkau sam avitsātām
utsaktabheṣajam asi ||

yathā dyāṃ ca pṛthivīṃ c-
-āntas tiṣṭhati tejanam |
evā rogaṃ cāsrāvaṃ ca
muñjas tiṣṭhatiy antarā ||

asthād idaṃ viśvaṃ bhuvanam
asthād vāto vanacyavaḥ |
asthur vṛkṣā ūrdhvasvapnās
tiṣṭhād rogo ayaṃ tava ||

śataṃ yad bheṣajāni te
sahasraṃ saṃbhṛtāni ca |
teṣām asi tvam uttamaṃ
śreṣṭham āsrāvabheṣajaṃ
vasiṣṭhaṃ roganāśanam ||

yad adya tvā prayati yajñe asmin
hotaś cikitvann avṛṇīmahīha |
dhruvam ayo dhruvam utā śamiṣṭha
prajānan vidvān upa yāhi somam ||

sam indra no manasā neṣa gobhiḥ
saṃ sūribhir harivan saṃ svastyā |
saṃ brahmaṇā devakṛtaṃ yad asti ||