Paippalāda-Saṃhitā · Chapter 20.27

tiryaṅ te garbho bhavatu
hṛdayasthaṃ jarāyu te |
ād oṣam agnim ā roh -
-ād gaccha yamasādanam ||

vi te cṛtāmi takariṃ
vi yoniṃ vi gavīnyau |
vi mātaraṃ ca putraṃ ca
vi garbhaṃ ca jarāyu ca ||

anvaṅ te garbho bhavatv
anusota jarāyu te |
yathā tvaṃ putraṃ vindāsai
yathā jīvāsi bhadrayā ||

pra pṛṣṭhe garbham ardaya
vi yona āsyaṃ sṛja |
nir aitu daśamāsyo
garbho gavīnyor adhi ||

viṣkambheṇa vi ṣkabhāya
tau viṣvañcau vyākuru |
eṣa vām agnir antarā
sa viṣvañcau vy asyatu ||

viṣkambho vi ṣkabhāyatu
manaś ca hṛdayaṃ ca vām |
vivartana vartaya
śaśvatībhyaḥ samābhyaḥ ||

samudraṃ tvā pra hiṇomi
svāṃ yonim apīhi |
acchidras tanvā bhūyāsaṃ
mā parā seci me payaḥ ||

yad atrāpi rasasya me
parāpapātāsmṛtam |
tad ihopa hvayāmahe
tan mā pyāyatāṃ punaḥ ||

kavir agre pra lilekha
dhartā keśām̐ adhārayat |
ihaiva viśvato dadhad
dhātā tvaṣṭā tvaci keśām̐ acīkl̥pat ||

sarasvati vrateṣu te
divyeṣu devi dhāmasu |
mandre hiraṇyavartane
pra ṇa āyūṃṣi tāriṣaḥ ||