પૈપ્પલાદ-સંહિતા · અધ્યાય 20.27

તિર્યઙ્ તે ગર્ભો ભવતુ
હૃદયસ્થં જરાયુ તે ।
આદ્ ઓષમ્ અગ્નિમ્ આ રોહ્ -
-આદ્ ગચ્છ યમસાદનમ્ ॥

વિ તે ચૃતામિ તકરિં
વિ યોનિં વિ ગવીન્યૌ ।
વિ માતરં ચ પુત્રં ચ
વિ ગર્ભં ચ જરાયુ ચ ॥

અન્વઙ્ તે ગર્ભો ભવત્વ્
અનુસોત જરાયુ તે ।
યથા ત્વં પુત્રં વિન્દાસૈ
યથા જીવાસિ ભદ્રયા ॥

પ્ર પૃષ્ઠે ગર્ભમ્ અર્દય
વિ યોન આસ્યં સૃજ ।
નિર્ ઐતુ દશમાસ્યો
ગર્ભો ગવીન્યોર્ અધિ ॥

વિષ્કમ્ભેણ વિ ષ્કભાય
તૌ વિષ્વઞ્ચૌ વ્યાકુરુ ।
એષ વામ્ અગ્નિર્ અન્તરા
સ વિષ્વઞ્ચૌ વ્ય્ અસ્યતુ ॥

વિષ્કમ્ભો વિ ષ્કભાયતુ
મનશ્ ચ હૃદયં ચ વામ્ ।
વિવર્તન વર્તય
શશ્વતીભ્યઃ સમાભ્યઃ ॥

સમુદ્રં ત્વા પ્ર હિણોમિ
સ્વાં યોનિમ્ અપીહિ ।
અચ્છિદ્રસ્ તન્વા ભૂયાસં
મા પરા સેચિ મે પયઃ ॥

યદ્ અત્રાપિ રસસ્ય મે
પરાપપાતાસ્મૃતમ્ ।
તદ્ ઇહોપ હ્વયામહે
તન્ મા પ્યાયતાં પુનઃ ॥

કવિર્ અગ્રે પ્ર લિલેખ
ધર્તા કેશાઁ અધારયત્ ।
ઇહૈવ વિશ્વતો દધદ્
ધાતા ત્વષ્ટા ત્વચિ કેશાઁ અચીક્લ્̥પત્ ॥

સરસ્વતિ વ્રતેષુ તે
દિવ્યેષુ દેવિ ધામસુ ।
મન્દ્રે હિરણ્યવર્તને
પ્ર ણ આયૂંષિ તારિષઃ ॥