Paippalāda-Saṃhitā · Chapter 20.12
upa hvaya iti tisraḥ ||
(…) ||
(…) ||
sūyavasād bhagavatīty ekā ||
saṃjānānā upa sīdān abhijñu
patnīvanto namasyaṃ namasyān |
ririkvāṃsas tanvā sumnam āyuḥ
sakhet sakhyur nimiṣi rakṣamāṇāḥ ||
samiddho agnir aśvinā
tapto vāṃ gharma ā gatam |
duhyante nūnaṃ vṛṣaṇeha dhenavo
dasrā vadanti kāravaḥ ||
samiddho agnir aśvinā rathī divas
tapto gharmo duhyate vām iṣe madhu |
vayaṃ hi vāṃ purutamāso aśvinā
havāmahe sadhamādeṣu kāravaḥ ||
yad usriyāsv āhutaṃ ghṛtaṃ payo
'yaṃ so aśvinā vāṃ bhāga ā gatam |
mādhvī dhartārā vidathasya satpatī
taptaṃ gharmaṃ pibataṃ rocane divaḥ ||
tapto vāṃ gharmo nakṣati suhotā
pra vām adhvaryuś carati payasvān |
madhor dugdhasyāśvinā tanāyā
vītaṃ pātaṃ payasa usriyāyāḥ ||
upa drava payasā godhug oṣum
ā gharme siñca paya usriyāyāḥ |
vi nākam akhyat savitā vareṇyo
'nu dyāvāpṛthivī supraṇītiḥ ||
Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0