પૈપ્પલાદ-સંહિતા · અધ્યાય 20.12

ઉપ હ્વય ઇતિ તિસ્રઃ ॥

(…) ॥

(…) ॥

સૂયવસાદ્ ભગવતીત્ય્ એકા ॥

સંજાનાના ઉપ સીદાન્ અભિજ્ઞુ
પત્નીવન્તો નમસ્યં નમસ્યાન્ ।
રિરિક્વાંસસ્ તન્વા સુમ્નમ્ આયુઃ
સખેત્ સખ્યુર્ નિમિષિ રક્ષમાણાઃ ॥

સમિદ્ધો અગ્નિર્ અશ્વિના
તપ્તો વાં ઘર્મ આ ગતમ્ ।
દુહ્યન્તે નૂનં વૃષણેહ ધેનવો
દસ્રા વદન્તિ કારવઃ ॥

સમિદ્ધો અગ્નિર્ અશ્વિના રથી દિવસ્
તપ્તો ઘર્મો દુહ્યતે વામ્ ઇષે મધુ ।
વયં હિ વાં પુરુતમાસો અશ્વિના
હવામહે સધમાદેષુ કારવઃ ॥

યદ્ ઉસ્રિયાસ્વ્ આહુતં ઘૃતં પયો
ઽયં સો અશ્વિના વાં ભાગ આ ગતમ્ ।
માધ્વી ધર્તારા વિદથસ્ય સત્પતી
તપ્તં ઘર્મં પિબતં રોચને દિવઃ ॥

તપ્તો વાં ઘર્મો નક્ષતિ સુહોતા
પ્ર વામ્ અધ્વર્યુશ્ ચરતિ પયસ્વાન્ ।
મધોર્ દુગ્ધસ્યાશ્વિના તનાયા
વીતં પાતં પયસ ઉસ્રિયાયાઃ ॥

ઉપ દ્રવ પયસા ગોધુગ્ ઓષુમ્
આ ઘર્મે સિઞ્ચ પય ઉસ્રિયાયાઃ ।
વિ નાકમ્ અખ્યત્ સવિતા વરેણ્યો
ઽનુ દ્યાવાપૃથિવી સુપ્રણીતિઃ ॥