Paippalāda-Saṃhitā · Chapter 20.1

dhītī vā ye anayan vāco agraṃ
manasā vā ye avadann ṛtāni |
tṛtīyena brahmaṇā vāvṛdhānās
turīyeṇa manvata nāma dhenoḥ ||

sa veda putraḥ pitaraṃ sa mātaraṃ
sa sūnur bhavat sa bhavat punarmaghaḥ |
sa dyām aurṇod antarikṣaṃ sa svar
viśvā bhuvo abhavat sa ābhavat ||

atharvāṇaṃ pitaraṃ viśvadevaṃ
mātur garbhaṃ pitaraṃ saṃyuvānam |
ya īṃ ciketāmṛtasya dhāman
nityasya rāyaḥ paridhīṃr apaśyat ||

śivās ta ekā aśivās ta ekāḥ
sarvā bibharṣy ahṛṇīyamānaḥ |
guhā vāco nihitās tisra etā
eked idaṃ vi babhūvānu sarvam ||

aditir dyaur aditir antarikṣam
aditir mātā sa pitā sa putraḥ |
viśve devā aditiḥ pañca janā
aditir jātam aditir janitvam ||

diteḥ putrāṇām aditer akāriṣaṃ
mahāśarmaṇāṃ mahatām anarmaṇām |
teṣāṃ hi dhāma gabhiṣak samudryaṃ
naiṣāṃ vepasaḥ paro asti kiṃ cana ||

vājasya nu prasave mātaraṃ mahīm
aditir nāma vacasā karāmahe |
yasyām idaṃ viśvaṃ bhuvanam āviveśa
sā no devī suhavā śarma yacchatu ||

mahīm ū ṣu mātaraṃ suvratānām
ṛtasya patnīm avase huvema |
tuvikṣatrām ajarantīm urūcīṃ
suśarmāṇam aditiṃ supraṇītim ||

sutrāmāṇaṃ pṛthivīṃ dyām anehasaṃ
suśarmāṇam aditiṃ supraṇītim |
daivīṃ nāvaṃ svaritrām anāgaso
asravantīm ā ruhemā svastaye ||

ekayā ca daśabhiś cā suhūte
dvābhyām iṣṭaye viṃśatyā ca |
tisṛbhiś ca vahase triṃśatā ca
viyugbhir vāyav iha tā vi muñca ||