Paippalāda-Saṃhitā · Chapter 19.56

virāḍ asi virājaṃ mā kṛṇu
tasyās te yaśo bhakṣīya ||

svarāḍ asi svarājaṃ mā kṛṇu
tasyās te madhu bhakṣīya ||

samrāḍ asi samrājaṃ mā kṛṇu
tasyās te annaṃ bhakṣīya ||

vīryāvatā te haviṣā juhomi
jīvātave na martave |
dakṣaṃ te bhadram āhārṣaṃ
parā suvāmy āmayat ||

abhivīreṇa te (…) ||

suvīreṇa te (…) ||

sarvavīreṇa te haviṣā juhomi
jīvātave na martave |
dakṣaṃ te bhadram āhārṣaṃ
parā suvāmy āmayat ||

prajāvatā te haviṣā juhomi
garbham ā dhatsva yonyām |
sa kāle jāyatāṃ punar
daśame māsi sūtave ||

suprajasā te (…) ||

suputreṇa te haviṣā juhomi
garbham ā dhatsva yonyām |
sa kāle jāyatāṃ punar
daśame māsi sūtave ||

bhūtaye te haviṣā juhomi-
-imaṃ devāso abhi hiṅ karātha |
asminn eva paśavaḥ saṃ viśantu
catuṣpāda uta vā ye dvipādaḥ ||

vittaye te (…) ||

svṛddhena te (…) ||

samṛddhena te haviṣā juhomi-
-imaṃ devāso abhi hiṅ karātha |
asminn eva paśavaḥ saṃ viśantu
catuṣpāda uta vā ye dvipādaḥ ||

kṣemyeṇa te haviṣā juhomi
kṣemyo bhavāsi paśubhiś ca vīraiḥ |
indrāgnī tvā sayujā sakhāyau
viśvebhir devair anu saṃ dadetām ||

pratiṣṭhitena te haviṣā juhomi
prati tiṣṭhāsi paśubhiḥ (…) ||

sambhūtena te haviṣā juhomi
saṃ bhavāsi paśubhiḥ (…) ||

prabhūtena te haviṣā juhomi
pra bhavāsi paśubhiś ca vīraiḥ |
indrāgnī tvā sayujā sakhāyau
viśvebhir devair anu saṃ dadetām ||