પૈપ્પલાદ-સંહિતા · અધ્યાય 20.1

ધીતી વા યે અનયન્ વાચો અગ્રં
મનસા વા યે અવદન્ન્ ઋતાનિ ।
તૃતીયેન બ્રહ્મણા વાવૃધાનાસ્
તુરીયેણ મન્વત નામ ધેનોઃ ॥

સ વેદ પુત્રઃ પિતરં સ માતરં
સ સૂનુર્ ભવત્ સ ભવત્ પુનર્મઘઃ ।
સ દ્યામ્ ઔર્ણોદ્ અન્તરિક્ષં સ સ્વર્
વિશ્વા ભુવો અભવત્ સ આભવત્ ॥

અથર્વાણં પિતરં વિશ્વદેવં
માતુર્ ગર્ભં પિતરં સંયુવાનમ્ ।
ય ઈં ચિકેતામૃતસ્ય ધામન્
નિત્યસ્ય રાયઃ પરિધીંર્ અપશ્યત્ ॥

શિવાસ્ ત એકા અશિવાસ્ ત એકાઃ
સર્વા બિભર્ષ્ય્ અહૃણીયમાનઃ ।
ગુહા વાચો નિહિતાસ્ તિસ્ર એતા
એકેદ્ ઇદં વિ બભૂવાનુ સર્વમ્ ॥

અદિતિર્ દ્યૌર્ અદિતિર્ અન્તરિક્ષમ્
અદિતિર્ માતા સ પિતા સ પુત્રઃ ।
વિશ્વે દેવા અદિતિઃ પઞ્ચ જના
અદિતિર્ જાતમ્ અદિતિર્ જનિત્વમ્ ॥

દિતેઃ પુત્રાણામ્ અદિતેર્ અકારિષં
મહાશર્મણાં મહતામ્ અનર્મણામ્ ।
તેષાં હિ ધામ ગભિષક્ સમુદ્ર્યં
નૈષાં વેપસઃ પરો અસ્તિ કિં ચન ॥

વાજસ્ય નુ પ્રસવે માતરં મહીમ્
અદિતિર્ નામ વચસા કરામહે ।
યસ્યામ્ ઇદં વિશ્વં ભુવનમ્ આવિવેશ
સા નો દેવી સુહવા શર્મ યચ્છતુ ॥

મહીમ્ ઊ ષુ માતરં સુવ્રતાનામ્
ઋતસ્ય પત્નીમ્ અવસે હુવેમ ।
તુવિક્ષત્રામ્ અજરન્તીમ્ ઉરૂચીં
સુશર્માણમ્ અદિતિં સુપ્રણીતિમ્ ॥

સુત્રામાણં પૃથિવીં દ્યામ્ અનેહસં
સુશર્માણમ્ અદિતિં સુપ્રણીતિમ્ ।
દૈવીં નાવં સ્વરિત્રામ્ અનાગસો
અસ્રવન્તીમ્ આ રુહેમા સ્વસ્તયે ॥

એકયા ચ દશભિશ્ ચા સુહૂતે
દ્વાભ્યામ્ ઇષ્ટયે વિંશત્યા ચ ।
તિસૃભિશ્ ચ વહસે ત્રિંશતા ચ
વિયુગ્ભિર્ વાયવ્ ઇહ તા વિ મુઞ્ચ ॥