Scripture Library

Paippalāda-Saṃhitā · Chapter 2.89

2.89.1

ayaṃ yo 'titaro maṇis
tenāti tara duśyasaḥ |
sapatnān dviṣato maṇe
pra ṇudasva pṛtanyataḥ ||

2.89.2

pra ṇudasva pra sahasva
sapatnān dviṣato maṇe |
tarābhimātiṃ duśyasāṃ
varco bhaṅgdhi pṛtanyatām ||

2.89.3

varco jahi manyuṃ jahy
ākūtiṃ dviṣatāṃ maṇe |
devo yo 'titaro maṇis
tenāti tara dhūrvataḥ ||

2.89.4

ye dhūrvanti ye druhyanti
ye dviṣanti pṛtanyataḥ |
sarvān sapatnāṃs te maṇir
ni manyuṃ dviṣatas karat ||

2.89.5

tava citte tava vrate
tavaivādhaspadaṃ carān |
devo yo 'titaro maṇis
tenāti tara duśyasaḥ ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0