ગ્રંથ પાઠ

પૈપ્પલાદ-સંહિતા · અધ્યાય 2.89

2.89.1

અયં યો ઽતિતરો મણિસ્
તેનાતિ તર દુશ્યસઃ ।
સપત્નાન્ દ્વિષતો મણે
પ્ર ણુદસ્વ પૃતન્યતઃ ॥

2.89.2

પ્ર ણુદસ્વ પ્ર સહસ્વ
સપત્નાન્ દ્વિષતો મણે ।
તરાભિમાતિં દુશ્યસાં
વર્ચો ભઙ્ગ્ધિ પૃતન્યતામ્ ॥

2.89.3

વર્ચો જહિ મન્યું જહ્ય્
આકૂતિં દ્વિષતાં મણે ।
દેવો યો ઽતિતરો મણિસ્
તેનાતિ તર ધૂર્વતઃ ॥

2.89.4

યે ધૂર્વન્તિ યે દ્રુહ્યન્તિ
યે દ્વિષન્તિ પૃતન્યતઃ ।
સર્વાન્ સપત્નાંસ્ તે મણિર્
નિ મન્યું દ્વિષતસ્ કરત્ ॥

2.89.5

તવ ચિત્તે તવ વ્રતે
તવૈવાધસ્પદં ચરાન્ ।
દેવો યો ઽતિતરો મણિસ્
તેનાતિ તર દુશ્યસઃ ॥

મૂળ પાઠ: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0