ग्रंथ पाठ

पैप्पलाद-संहिता · अध्याय 2.89

2.89.1

अयं यो ऽतितरो मणिस्
तेनाति तर दुश्यसः ।
सपत्नान् द्विषतो मणे
प्र णुदस्व पृतन्यतः ॥

2.89.2

प्र णुदस्व प्र सहस्व
सपत्नान् द्विषतो मणे ।
तराभिमातिं दुश्यसां
वर्चो भङ्ग्धि पृतन्यताम् ॥

2.89.3

वर्चो जहि मन्युं जह्य्
आकूतिं द्विषतां मणे ।
देवो यो ऽतितरो मणिस्
तेनाति तर धूर्वतः ॥

2.89.4

ये धूर्वन्ति ये द्रुह्यन्ति
ये द्विषन्ति पृतन्यतः ।
सर्वान् सपत्नांस् ते मणिर्
नि मन्युं द्विषतस् करत् ॥

2.89.5

तव चित्ते तव व्रते
तवैवाधस्पदं चरान् ।
देवो यो ऽतितरो मणिस्
तेनाति तर दुश्यसः ॥

मूल पाठ: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0