Paippalāda-Saṃhitā · Chapter 19.6

indrasya vacasā vayaṃ
mitrasya varuṇasya ca |
devānāṃ sarveṣāṃ vācā
yakṣmaṃ te vārayāmahe ||

yathā vṛtra imā āpas
tastambha viśvadhā yatīḥ |
evā te agninā yakṣmaṃ
vaiśvānareṇa vāraye ||

dhruvaṃ dhruveṇa haviṣā-
-abhi somaṃ mṛśāmasi |
atrā ta indraḥ kevalīr
viśo balihṛtas karat ||

ā tvāhārṣam antar abhūr
dhruvas tiṣṭhāvicācalat |
viśas tvā sarvā ā yantu
mā tvad rāṣṭram adhi bhraśat ||

ihaivaidhi māpa cyoṣṭhāḥ
parvata ivāvicācalat |
indreha dhruvas tiṣṭha-
-iha rāṣṭraṃ ni dhāraya ||

indra etam adīdharad
dhruvaṃ dhruveṇa haviṣā |
tasmai somo adhi bruvad
ayaṃ ca brahmaṇaspatiḥ ||

dhruvaṃ te devaḥ savitā
dhruvaṃ devo bṛhaspatiḥ |
dhruvaṃ ta indraś cāgniś ca
rāṣṭraṃ dhārayatāṃ dhruvam ||

dhruvā dyaur dhruvā pṛthivī
samudrāḥ parvatā dhruvāḥ |
dhruvā ha dharmaṇā dhruvā
dhruvo rājā viśām ayam ||

vṛṣendrasya vṛṣā divo
vṛṣā pṛthivyā ayam |
vṛṣā viśvasya bhūtasya
tvam ekavṛṣo bhava ||

samudra īśe sravatām
agniḥ pṛthivyā vaśī |
sūryo nakṣatrāṇām īśe
tvam (…) ||

samrāḍ asy asurāṇāṃ
kakun manuṣyāṇām |
devānām ardhabhāg asi
tvam ekavṛṣo bhava ||

pari vartmāny eṣām
indraḥ pūṣā ca sasratuḥ |
muhyantv adyāmūḥ senā
amitrāṇāṃ parastarām ||

mugdhā amitrāś caranta-
-aśīrṣāṇa ivāhayaḥ |
athaiṣām agniruddhānām
indro hantu varaṃ-varam ||

aiṣu nahya vṛṣājinaṃ
hariṇasya bhiyaṃ kṛdhi |
parāṅ amitra eṣatv
arvācī gaur upeṣatu ||