પૈપ્પલાદ-સંહિતા · અધ્યાય 19.6

ઇન્દ્રસ્ય વચસા વયં
મિત્રસ્ય વરુણસ્ય ચ ।
દેવાનાં સર્વેષાં વાચા
યક્ષ્મં તે વારયામહે ॥

યથા વૃત્ર ઇમા આપસ્
તસ્તમ્ભ વિશ્વધા યતીઃ ।
એવા તે અગ્નિના યક્ષ્મં
વૈશ્વાનરેણ વારયે ॥

ધ્રુવં ધ્રુવેણ હવિષા-
-અભિ સોમં મૃશામસિ ।
અત્રા ત ઇન્દ્રઃ કેવલીર્
વિશો બલિહૃતસ્ કરત્ ॥

આ ત્વાહાર્ષમ્ અન્તર્ અભૂર્
ધ્રુવસ્ તિષ્ઠાવિચાચલત્ ।
વિશસ્ ત્વા સર્વા આ યન્તુ
મા ત્વદ્ રાષ્ટ્રમ્ અધિ ભ્રશત્ ॥

ઇહૈવૈધિ માપ ચ્યોષ્ઠાઃ
પર્વત ઇવાવિચાચલત્ ।
ઇન્દ્રેહ ધ્રુવસ્ તિષ્ઠ-
-ઇહ રાષ્ટ્રં નિ ધારય ॥

ઇન્દ્ર એતમ્ અદીધરદ્
ધ્રુવં ધ્રુવેણ હવિષા ।
તસ્મૈ સોમો અધિ બ્રુવદ્
અયં ચ બ્રહ્મણસ્પતિઃ ॥

ધ્રુવં તે દેવઃ સવિતા
ધ્રુવં દેવો બૃહસ્પતિઃ ।
ધ્રુવં ત ઇન્દ્રશ્ ચાગ્નિશ્ ચ
રાષ્ટ્રં ધારયતાં ધ્રુવમ્ ॥

ધ્રુવા દ્યૌર્ ધ્રુવા પૃથિવી
સમુદ્રાઃ પર્વતા ધ્રુવાઃ ।
ધ્રુવા હ ધર્મણા ધ્રુવા
ધ્રુવો રાજા વિશામ્ અયમ્ ॥

વૃષેન્દ્રસ્ય વૃષા દિવો
વૃષા પૃથિવ્યા અયમ્ ।
વૃષા વિશ્વસ્ય ભૂતસ્ય
ત્વમ્ એકવૃષો ભવ ॥

સમુદ્ર ઈશે સ્રવતામ્
અગ્નિઃ પૃથિવ્યા વશી ।
સૂર્યો નક્ષત્રાણામ્ ઈશે
ત્વમ્ (…) ॥

સમ્રાડ્ અસ્ય્ અસુરાણાં
કકુન્ મનુષ્યાણામ્ ।
દેવાનામ્ અર્ધભાગ્ અસિ
ત્વમ્ એકવૃષો ભવ ॥

પરિ વર્ત્માન્ય્ એષામ્
ઇન્દ્રઃ પૂષા ચ સસ્રતુઃ ।
મુહ્યન્ત્વ્ અદ્યામૂઃ સેના
અમિત્રાણાં પરસ્તરામ્ ॥

મુગ્ધા અમિત્રાશ્ ચરન્ત-
-અશીર્ષાણ ઇવાહયઃ ।
અથૈષામ્ અગ્નિરુદ્ધાનામ્
ઇન્દ્રો હન્તુ વરં-વરમ્ ॥

ઐષુ નહ્ય વૃષાજિનં
હરિણસ્ય ભિયં કૃધિ ।
પરાઙ્ અમિત્ર એષત્વ્
અર્વાચી ગૌર્ ઉપેષતુ ॥