Paippalāda-Saṃhitā · Chapter 19.50

pra dyauḥ pra pṛthivī
prāntarikṣaṃ svam arhat |
pretaḥ samudriyā āpaḥ
śalyam acucyavuḥ ||

pra tvā vātaś cyāvayatu
pra bhūmiḥ sahasā saha |
pretaḥ samudriyā āpaḥ
śalyam acucyavuḥ ||

pra tvā sūryaś cyāvayatu
nakṣatraiḥ saha medibhiḥ |
pretaḥ samudriyā āpaḥ
śalyam acucyavuḥ ||

yo mā pautudruvo maṇir
viśvabheṣaja āgamat |
so asmat sarvaṃ duṣvapnyam
apa hantu tamaś ca yat ||

apāsmat sarvaṃ duṣvapnyam
apa pāpīṃ ca lakṣmyam |
adhā hiraṇyavarcasaṃ
sarvadā mā maṇe kṛdhi ||

sarvadaivāhaṃ bhagavān
indriyāvān viṣāsahiḥ |
yo mā pautudruvo maṇir
draviṇena sahāruhad
indreṇa sahāruhat ||

pumān aśvo dhanaṃ vittiṃ
pumān niṣko hiraṇyayaḥ |
pumāṃsaṃ putram oṣadhe
'syā ā dhehi nāryai ||

yathānandāḥ puṃsi jāte
na vravastīti kaś cana |
evā tvaṃ putram oṣadhe
'syā ā dhehi nāryai ||

aśvena riṣyena gavā
krītāsy oṣadhe |
aśvaḥ śveto dhanaṃ tava
hiraṇyaṃ haritaṃ tava |
dattā somena rājñeha
puṃsavanaṃ bhava ||

yan me nṛmṇaṃ draviṇaṃ brāhmaṇaṃ ca
yac ca śrutaṃ yac ca ratnaṃ bibharmi |
etan no atra nidhipānu pātu
yāvad aimi strīyaṇamajmā vyajya ||

yan me nṛmṇaṃ draviṇaṃ brāhmaṇaṃ ca
ye agnayo dhṛṣṇiyāso mayīme |
hariścandro rakṣatu tan no atra
yāvad aimi paro grāmaṃ caritvā ||

eṣa aimi paro grāmaṃ caritvā -
-accha nṛmṇaṃ draviṇaṃ brāhmaṇaṃ ca |
yad atrāpi tve śuci-
-idaṃ tad aham ā dade ||

ā sūryo hi prathamaṃ dasyuhatyāya
śakra hārī yuñjāno maghavan sahasram |
dāsaṃ varṇaṃ randhayann āryāya
yuñjāno bāhū puruhūta vajram ||

āhṛḍate dasyuhatyāya
tūrṇa dṛḍhāni parvā śṛṇīhīndra |
tīvrāśraddho bahulāny eṣām
ayujvano arpaya saṃ vadhena ||

darśan nu citrapāvānam indraṃ
bahu sākaṃ śarām̐ iva patyamānān |
ye no ghṛṣviṃ maghavānaṃ pṛtanyān
abhīru teṣu kavayo vavṛtyuḥ ||